ថាមពលថ្មតូច គឺជាបញ្ហាមួយ ដែលអ្នកប្រើប្រាស់ ស្មាតហ្វូន ភាគច្រើន មានការព្រួយបារម្ភ ព្រោះថា វាមិនអាចកំដរ យើងប្រើប្រាស់បានយូរនោះទេ ដោយមិនបានប៉ុន្មានម៉ោងផង ងាកអស់ថ្មៗ ដែលនេះ ពិតជាធ្វើអោយ យើងជាអ្នកប្រើប្រាស់ មានអារម្មណ៍ធុញទ្រាន់ មែនទែន។
យ៉ាងណាមិញ ងាកមកមើល ស្មាតហ្វូនជំនាន់ថ្មី របស់ក្រុមហ៊ុន Oukitel នេះវិញ ដែលមានឈ្មោះថា Oukitel K6000 Pro ទើបតែចេញ លក្ខណៈសម្បត្តិ ផ្លូវការថ្មីនេះទេ ដោយវាត្រូវបាន បំពាក់មកជាមួយនឹង ថាមពលថ្មធំ ដល់ទៅ 6000 mAh ដែលអាច កំដរយើង អោយប្រើប្រាស់ បានយូរគួរសមដែរ។
ន្ថែមពីនេះ វាក៏មាន លក្ខណៈពិសេសមួយចំនួន ដែលនឹង ទាក់ទាញចំណាប់អារម្មណ៍ ថែមទៀតផង ដូចជា៖
- មានទ្រនាប់ស្គេនម្រាមដៃ
- ដំណើរការដោយ ប្រព័ន្ធប្រតិបត្តិការ Android Marshmallow 6.0
- ថាមពលថ្មធំ ភ្ជាប់មកជាមួយនឹង មុខងារ Fast Charging ដោយសាកបាន 5 នាទី អាចនិយាយទូរស័ព្ទបាន 2 ម៉ោង
- អាវក្រោះ ការពារទឹក និងធូលី
- បញ្ចេញសម្លេងនៃចម្រៀងបានពិរោះល្អ
- និងអាចប្រើប្រាស់ជាមួយនឹង ខ្សែប្រភេទ OTG បាន ដើម្បីបញ្ជូនឯកសារ ទៅកាន់ Flash ឧបករណ៍ផ្សេងៗទៀត បានយ៉ាងងាយស្រួល។
ស្មាតហ្វូននេះ មានបីពណ៌សម្រាប់ជ្រើសរើស ដូចជា ពណ៌ស ពណ៌ទឹកមាស និងពណ៌ប្រផេះ ហើយចំពោះតម្លៃ របស់វាវិញ ស្ថិតនៅក្រោម 200$។
Oukitel K6000 Pro មានថាមពលថ្មធំនិងមានលក្ខណៈពិសេសច្រើន ឯតម្លៃក៏សមរម្យ!